Астанада «Елбасы медалі» бағдарламасына қатысушыларды марапаттау жөніндегі комиссияның оныншы отырысы өтті. 

        2020 жылы іске қосылған жоба еліміздің жас таланттары мен көшбасшыларын қолдауға және дамытуға бағытталған. 

        Барлық кезең бойынша 50 000 - нан астам қатысушы қамтылды. Оның 11 849 - ы «Елбасы медалімен» марапатталды. Қола деңгейінде 10 563 қатысушы, күміс деңгейінде 1019 қатысушы және алтын деңгейінде 267 қатысушы анықталды. 

        Мемлекеттік білім беру гранттары 3 687 «Елбасы медалінің» иегерлеріне берілді, оның 30% - ы ауыл мектептерінің түлектері. 2021 жылы  - 605 адам, 2022 жылы - 1323 адам, 2023 жылы - 1759 адам грант алды. 
        Комиссия бағдарламаны іске асыру нәтижелерін қарап, бағдарламаны сәтті аяқтаған 1218 адамды марапаттауға ұсынды. Қола деңгейінің 741 қатысушысы, күміс деңгейдің 431 қатысушысы және алтын деңгейдің 46 қатысушысы анықталды.  
«Елбасы медалі» бағдарламасы біздің қоғам үшін өзінің тиімділігі мен маңыздылығын растады. Бұл жас ұрпаққа өздерінің таланттары мен көшбасшылық қасиеттерін көрсетуге және дамытуға мүмкіндік беріп қана қоймай, оларды әрі қарай кәсіби және жеке дамуға ынталандырады. 
Елбасы медалі  бағдарламасының негізгі бағыты -  өзін-өзі дамытуға және белсенді, креативті және талантты жастарды қолдау. 
Барлық қатысушыларды құттықтаймыз!

2023 жылғы "Елбасы медалі" ерекшелік белгісі иегерлерінің тізімі