112 қатысушы «Елбасы медалі» бағдарламасын сәтті аяқтады
Комиссияның ұйғарымы бойынша, бағдарламада берілген тапсырмаларды толыққанды орындаған 112 қатысушыны марапаттауға ұсыныс енгізді. Олардың ішінде 94 қатысушы қола, 16 қатысушы күміс, ал 2 қатысушы алтын медальға ие болды.
Ескертіп өтетін жәйт, медальдар нөмірленген соң, биылғы тамыз айының соңына дейін аймақтық «Дарын» орталықтарына жеткізіледі.
Бағдарлама жарияланған үш жыл ішінде медальға ие болған жас қазақстандықтардың жалпы саны 11 814-ге жетті. Атап айтсақ, 1928 «Елбасы медалі» иегері мемлекеттік білім грантына қол жеткізген болатын. Олардың 30 %-ы - ауылдық жерде орналасқан мектеп түлектері еді.
Естеріңізге сала кетейік," Елбасы медалі " бағдарламасының негізгі бағыты - өзін-өзі дамытуға және белсенді, креативті және талантты жастарды қолдау. Бағдарлама қатысушылары 7 бағыт бойынша, яғни спорт және СӨС, таланттар мен дағдылар, кітап оқу, ұлттық мұра, еріктілік, еңбек тәжірибесі, туристік жорықтар бағытында дағдыларын белсенді түрде дамытып келеді.