Мың бала» ұлттық зияткерлік олимпиадасы: 377 дарынды оқушы мамандандырылған мектептерге қабылданды

«El Umiti» қоры» корпоративтік қоры «Мың бала» Ұлттық зияткерлік олимпиадасының жеңімпаздарын мамандандырылған мектептерге қабылдау қорытындысы бойынша 2023 жылдың 31 мамырдағы дерегін жариялайды.

Қазақстан Республикасындағы дарынды оқушыларды анықтау және қолдауға арналған «Мың бала» олимпиадасы өз жұмысын табысты аяқтады. 6-сынып бойынша іріктелген жеңімпаз 1000 оқушы ішінен 410 бала дарынды балаларға арналған мамандандырылған мектептерге оқуға қабылданды. Бұл қор тарапынан талантты оқушылардың дарыны мен әлеуетін дамыту әрі қолдау бойынша жасалған кезекті үлкен қадамдарының бірі болып отыр.

«Мың бала» платформасында өтініш берген 377 оқушы ішінен БИЛ-ге 126, Дарынға 36, РФММ-ге 17 оқушы мектепке қабылданды. Сондай-ақ, 32 оқушы байқау арқылы өз бетінше оқуға қабылданса, 560 оқушы ауыл мектептерінде қалуды таңдаған. Себебі басқа қалаға көшкісі келмей, отбасылық жағдайына байланысты немесе қалаған мектебінде орын тапшылығы секілді мәселелерге кезікті.   Дарынды балаларға арналған мектептерге қабылданатын білім алушылар санының 10% мөлшерінде белгіленген квотаны ескере отырып, бөлінген 441 орынның 377-сі бойынша жеңімпаз квотасы пайдаланылды. Кейбір мектептерде интернатта тұрудың жоқтығына байланысты өтініштер қанағаттандырылмады. Олимпиаданың 9000-нан астам финалисіне Birge oqy онлайн мектебінің білім беру ресурстарына қолжетімділік берілді. Ал оқыту асинхронды форматта өтеді. 

Олимпиада өткен төрт жыл ішінде 1337 оқушы дарынды балаларға арналған мамандандырылған мектептерге оқуға түсті. Ал жалпы тіркелген оқушылар саны 745 мыңнан асады.

«Мың бала» ұлттық олимпиадасының негізгі мақсаты – Қазақстан Республикасының әрбір дарынды ауыл оқушысының алдына қойған мақсатына жетуіне тең мүмкіндік пен жағдай жасау. «El Umiti» қоры» корпоративтік қоры осы жобаның табысты жүзеге асуына үлес қосқан қатысушыларға, ұйымдастырушыларға, мұғалімдерге және ата-аналарға алғысын білдіреді. Біздің жұмысымыздың дарынды жастардың таланты мен әлеуетін анықтауға, дамытуға, қолдауға септігі тигенін мақтан етеміз. Бұл жетістікке бірлескен күш-жігер мен жоғары жетістіктерге ұмтылудың нәтижесінде қол жетті. «Мың бала» олимпиадасы дарынды оқушыларды қолдау және олардың дамуына жағдай жасау мақсатында жүргізілетін жұмыстарды тоқтатпай, одан әрі жалғастыра бермек.

Мамандандырылған мектепке оқуға қабылданған оқушыларды құттықтай отырып, оларға жетістік пен табысқа толы жарқын болашақ тілейміз. «El Umiti» КҚ еліміздің ертеңіне бейқам қарайтын жас ұрпақ болып қалыптасатынына сенеміз.