Qabilet»жобасының қатысушылары арасындағы суреттер байқауындағы жеңімпаздары анықталды 

2022 жылғы 20 сәуір мен 20 мамыр аралығында «Елбасы Академиясы» ҚҚ Instagram әлеуметтік желісіндегі парақшасында «Qabilet» қызметі жобасының қатысушылары арасында «Менің қабілетім» байқауы өтіп, 10 жеңімпаз анықталды.  Байқаудың шарттары келесідей белгіленді: Қатысуға ниет білдіргендер qabilet.elbasyacademy.kz сайтында тіркелуі керек. Тіркелгеннен кейін қатысушы 87 сұрақтан тұратын онлайн-тестілеуден өтеді. Қабілеттілік диагностикасынан кейін қатысушы «Менің қабілетім» тақырыбына сурет салып, болашақ мамандығын, супер қаһарманды немесе сүйікті іс-әрекетті суреттеуі керек. Естеріңізге сала кетейік, суреттер қыркүйек айында Нұр-Сұлтандағы I Халықаралық психологиялық форумда ұсынылады.Жеңімпаздарға Балалар күніне орай сертификат берілді.