2023 жылғы «Мың бала» Ұлттық олимпиадасының жеңімпаздары 17-30 мамыр аралығында мектептерге тіркелу үшін өтініш жібере алады
Ауыл мектебінде 6-сыныпта оқыған оқушылар арасында тартысты дода болып, I-II кезеңнен сүрінбей өткен мың жеңімпаз анықталған болатын. Естеріңізге сала кетейік, «Мың бала» олимпиадасы осымен төртінші жыл қатарынан қабілетті ауыл оқушыларын анықтап жатыр.
Бұл туралы толығырақ мәліметті мына сілтеме арқылы біле аласыздар.
Еліміздегі дарынды балаларға арналған мамандандырылған мектептерге тіркелу үшін 17 мамыр мен 30 мамыр аралығында ертерек өтінім беріп үлгеру керек. Өйткені, мектептерде орын саны шектеулі. Ол үшін жеке кабинетте көрсетілген мектептермен алдын ала танысып алыңыз. Бір рет өтініш беріп, бір мектепті ғана таңдай алатыныңызды қаперіңізде ұстаңыз!
Мектептерге ең жоғары балл жинағандар тіркеле алады. Жеңімпаздар:
766-639 балл жинағандар 17-21 мамырдан бастап;
638-600,37 балл алғандар 22-24 мамырдан бастап;
600,36 -515,54 балл жинағандар 25 мамырдан бастап 30 мамырға дейін өтінімді олимпиаданың сайтында немесе жеке кабинетте жібере алады.
Мектепке қабылдану үшін:
- https://1000bala.elumiti.kz/ сайтында жеке кабинетке кіріп, «Мектептер тізімі» қосымша бетіне өтіңіз.
- Экранда оқуға түсуге болатын мектептердің тізімі ашылады.
- Бос орындар бар бір ғана мектепті таңдап, өтініш беру қажет екеніне назар аударыңыз. Егер сіз таңдаған мектепті ауыстыру керек деп шешсеңіз, алдыңғы мектептен өтінімді қайтарып алып, жаңа өтініш беруіңіз керек.
Егер сіздің сұрақтарыңыз болса, 8 (800) 080 48 48 нөмірі бойынша байланыс орталығына хабарласыңыз. Қоңырау шалу тегін.