Астана қаласында «Елбасы медалі» бағдарлама қатысушыларын марапаттауға байланысты комиссияның сегізінші отырысы өтті
.jpg)
Онда бағдарламаның жүзеге асу нәтижелерін қорыта келе, комиссия бағдарламаны табысты аяқтаған 2347 қатысушыны марапаттауға ұсыныс енгізді. Олардың ішінде 1845 қатысушы қола, 353 қатысушы күміс, ал 149 қатысушы алтын медальға ие болды.
Ескертіп өтетін жәйт, медальдар нөмірленген соң, биылғы наурыз айының соңына дейін аймақтық «Дарын» орталықтарына жеткізіледі.
Бағдарлама жарияланған үш жыл ішінде медальға ие болған жас қазақстандықтардың жалпы саны 11 702-ге жетті. Атап айтсақ, 1928 «Елбасы медалі» иегері мемлекеттік білім грантына қол жеткізді. Олардың 30 %-ы - ауылдық жерде орналасқан мектеп түлектері.
Қазіргі уақытта «Елбасы медалі» бағдарламасының ресми веб-порталында техникалық жұмыстар жүргізіліп жатқанын қаперіңізге саламыз. Бұл бағдарламаның уақытша тоқтатылып, бағдарламаға қатысуға жаңа өтінім әзірге қабылданбайтынын білдіреді.
Портал жұмысы қалыпқа келтірілген кезде, сіздерге міндетті түрде хабарлайтын боламыз. Сіз тоқтаған жеріңізден әрі қарай жалғастыруға немесе жаңадан қатысуға қайта өтінім бере аласыз.