Қазақстан жастарына арналған республикалық рэп-байқау басталды
«Өзгеміз, бірақ біргеміз!» — дәл осындай атаумен El Umiti қоры Қазақстанның 14–17 жас аралығындағы жастарына арналған ерекше республикалық рэп-байқауды іске қосты.
Бұл байқау — жай ғана музыкалық сайыс емес. Бұл — жастардың өз ойын ашық жеткізуге, көзқарасын білдіруге, елге өз үнімен әсер етуге берілген үлкен мүмкіндік. Байқау Қазақстанның көп ұлтты, алуан мәдениетті жастарының өзара түсінісіп, шабыттана алатынын көрсетуді мақсат етеді.

Байқау уақыты: 2025 жылдың 16 сәуірі мен 14 мамыры аралығы
Қатысушылар: 14–17 жас аралығындағы барлық жасөспірімдер
Қатысу тегін
Өтінім беру: contests.elumiti.kz 
Қатысу үшін не істеу керек?
– Авторлық рэп мәтін жазу
– 3 минуттан аспайтын бейнеролик түсіру
– Instagram, TikTok немесе YouTube желілерінің біріне жүктеу
– #Елүміті_премиясы2025 хэштегін қосу және @el_umiti.kz парақшасын белгілеу

Музыкалық сүйемелдеу ретінде домбыра, гитара, фортепиано немесе фонограмма қолдануға болады. Ең бастысы — шынайылық пен идея.
Бағалау критерийлері — ойдың тереңдігі, креатив, видеоның сапасы, ритм және жеткізу формасы. Ерекше стиль мен креативті түсірілім жоғары бағаланады.

Марапаттар:
Үздік қатысушылар дипломдармен және бағалы сыйлықтармен марапатталады. Сонымен қатар, үздік жұмыстар кең аудиторияға ұсынылады.
«Өзгеміз, бірақ біргеміз!» — бұл жас ұрпақтың үні мен сахнасы. Өз сөзіңмен елге әсер еткің келсе — дәл қазір әрекет ет!