2025 жылдың 17 ақпан мен 20 наурыз аралығында еліміздің түкпір-түкпірінен оқушылар қатысқан «Туған жерім – шағын Отаным!» атты республикалық бейнероликтер байқауы өтті. Байқауды «El Umiti» корпоративтік қоры ұйымдастырып, жас ұрпақтың туған жеріне деген сүйіспеншілігін арттыруды, оның табиғи, тарихи және мәдени мұрасын дәріптеуді мақсат етті. Байқауға 14-17 жас аралығындағы оқушылар қатысып, өздерінің шығармашылық қабілеттерін бейнероликтер арқылы көрсетті. Қатысушылар туған өлкесінің тарихын, көрікті жерлерін, ұлттық құндылықтарын ерекше стильде бейнелеп, көрермендерге өздерінің кіші Отанына деген сүйіспеншілігін жеткізді. Байқаудың басты мақсаттары оқушыларды өз өлкесінің тарихы мен мәдениетін зерттеуге ынталандыру, туған жердің дамуына үлес қосқан тұлғалар туралы ақпарат тарату, шығармашылық және креативті ойлауды дамыту, заманауи медиа құралдарын тиімді қолдану дағдыларын қалыптастыру болды. 
Республикалық байқауға барлығы 142 бейнеролик қабылданды. Ең белсенді қатысқан өңірлер Шымкент қаласы – 34 бейнеролик, Қызылорда облысы – 17 бейнеролик, Алматы облысы – 13 бейнеролик. Қатысушылардың жұмыстары 1-3 минут аралығындағы шағын бейнероликтер форматында ұсынылды. Бейнероликтер Instagram, YouTube және TikTok әлеуметтік желілерінде #Елүміті_премиясы2025 хэштегімен жарияланып, қатысушылар @el_umiti.kz парақшасын белгіледі. Жұмыстарды бағалау барысында мазмұн тереңдігі, көркемдік деңгейі, креативтілігі және бейне сапасы ескерілді. Туған жерін ерекше бейнелеген үздік қатысушылар қазылар алқасы тарапынан анықталып, жүлделі орындар берілді. 1-орын Хавдалұлы Абдулғазиз – Павлодар облысы, Үшқұлын ЖББМ мектебі, 2-орын Көптлеуова Жансая – Алматы облысы, №34 орта мектеп, Победина Зере – Шығыс Қазақстан облысы, «Оралхан Бөкей атындағы Белқарағай орта мектебі», 3-орын Алменбетова Аяжан Аманкелдиевна – Қарағанды облысы, Ғабиден Мұстафин атындағы ЖББМ, Амангелді Аяулым – Шымкент қаласы, №80 IT мектеп-лицейі, Жорабек Биболат – Ұлытау облысы, «8 гимназиясы» КММ. 
Байқау жеңімпаздары бағалы сыйлықтармен марапатталатын болады. Ұйымдастырушылар байқауға белсене қатысқан барлық оқушыларға, олардың жетекшілеріне және ата-аналарына шынайы алғысын білдіреді. Барша жеңімпаздарды құттықтаймыз!