«Мың бала» ұлттық зияткерлік олимпиадасының аясында Алматы облысының ауылдарында ақпараттық кездесулер сәтті өтуде. Олимпиадалық дайындық орталығының мамандары Қаскелен, Өтеген-Батыр және Ұзынағаш сынды аудан орталықтарында орналасқан мектеп директорларымен кездесті. Қатысушылардың жалпы саны — 200 адам.

Кездесулер «Ұзынағаш ауылындағы №2 орта мектеп», Іле ауданы білім бөлімінің «№28 мектеп-гимназия» және «Алтын ауыл орта мектебі» сияқты мектептердің басшылары үшін ұйымдастырылды. Мақсаты — директорларға «Мың бала» жобасының маңыздылығын түсіндіріп, олимпиадаға қатысу шарттарын таныстыру.

Бұл жоба ауыл оқушыларына РФММ, БИЛ, Дарын сияқты мамандандырылған мектептерге түсу мүмкіндігін ұсынады. Жобаның ауқымды іске асуы мен оқушыларды қатысуға ынталандыру үшін директорлар мен білім беру мекемелері арасында ақпарат алмасу маңызды болып табылады.

Қорытынды бейнеролик Instagram әлеуметтік желісінде

БАҚ біз жайлы