Бұл меморандум ғылым мен білім саласындағы тікелей әрі өзара тиімді ынтымақтастықты орнатуға, сондай-ақ ғылыми-зерттеу, оқу және әдістемелік жұмыстардың тиімділігін арттыруға бағытталған. Құжат білім беру бағдарламаларын бірлесе жүзеге асыруды, ғылыми зерттеулер жүргізуді, мамандар арасында тәжірибе алмасуды, сондай-ақ академиялық және кәсіби орта дамуына ықпал ететін инновациялық жобаларды әзірлеу мен енгізуді көздейді.

Осы келісімге қол қою студенттер, оқытушылар мен ғылыми қызметкерлер үшін жаңа мүмкіндіктер ашып, тағылымдамалардан өтуге, бірлескен білім беру бастамаларына қатысуға және халықаралық бағдарламаларға атсалысуға жол ашады.

ЕҰУ атынан меморандумға Ардақ Бейсенбай, Баубек Сомжүрек, Бибігүл Дүйсенбаева, Мәрзия Асылбекова және Әлия Мамбеталина қол қойып, университет пен «El Umiti» қоры» КҚ арасындағы ынтымақтастықтың табысты әрі жемісті болатынына сенім білдірді.